Rätoromanisch

OPT-ART
Arte chi refletta I'OPT-timism

A l'occasiun da mieu 70evel anniversari do que ils 3. e 4. December 2005 nel Kulturzentrum Zwicky a Fällanden üna exposiziun cun üna schelta da mieus queders pü rezaints scu eir pü vegls, sout il motto OPT-Art = arte chi refletta I'OPT-imism.

Zieva pü scu 30 ans esser activ scu architect, e zeiva avair absolvo divers cours da disegn, grafica ed Air-brush am d'he constant do gio cun proporziuns, culours e differents materiels. Cumanzand ün nouv retrat prouv da'm canaliser in üna tscherta direcziun – scha bain cha mieu maun vain generelmaing mno dad improvisaziuns, cumpletaziuns e surpraisas, püstüt nel masder e vernischer da las culours. Durant las bgeras uras dal minuzius lavurer our technicamaint ün queder nu d'he be il temp da ponderer sur da l'ovra scu tella e da sia pussibla influenza, ma eir sur dals aspects da l'arte in generel. Scu pittur am rechat hoz in ün cuntourn da la szena d'arte chi nun ais survisibla e suvenz chaotica, domineda dad artists chi attiran l'attenziun cun lur ouvras provocativas e brutelas. In contrari da que prouv' da transmetter cun mieus portrets OPT-imism e plaschair.

Invers mich' üna da mias ouvras d'he üna relaziun critica. Mincha queder ho sia egna aura chi dependa dals cuntourns, da la glüsch e da mia disposiziun momentana. Que chi as lascha tar ün o l'oter portret clermaing arcugnuoscher o dafatta dificilamaing definir. Sün ingrediaints mystics, pseudo-philosofics o dafatta psychologics renunzch – eir scha accept cha da voutas vain que pretais. Indepent scha que as craja, o nun as craja in que, expriman mias ouvras ün sen symbolic tres las culours, fourmas e segns: per exaimpel blov ais la culur chi represchainta il divign, la fidelted e la pürted. Cotschen represchainta il fö, l'amur e la chalur, taunt cha vert ais la culur dal renuvler e da la spraunza. Sün prüma vista sun que tuot qualitets positivas. Ma mincha culur vain eir druveda per symbols negativs: p.ex. in tudas-ch vain dit «blau-sein» per dir ch'ün ho bavieu da memma, cotschen vain druvo per la destrucziun, la guerra, il ödi e la culur verda per il tössi. Tres la schleta d'üna culur paun impissamaints subtilamaing esser transmis saunza avair dabsögn dad acziuns brutelas.

La substanza essenziela da mia ouvra resta adonta da la diversificaziun artistica saimper visibla. Creand üna composiziun sviesch suvenz dal tradizionel; chi voul dir focuser sül punct zentrel. Usche po ün motiv surpasser il ram o l'urtaila dal queder per der l'impuls al contemplatur da's metter svess avaint la continuaziun. Eau speresch cha mia paschiun per la musica, spezielmaing il Jazz, as preschainta o forza as lascha da fatta udir il rhytm, tres la dynamica da mieus portrets. In pü texts scrits a maun, scrittüras exoticas, calligrafias e stampas inrichan mi'arte e signaliseschan mi'admiraziun per otras culturas.

La fabrica renomeda Zwicky, cun üna granda sela da ca. 900 m2 e glüsch dal suringio ais il zenter culturel da nossa vschinauncha. Suvenz d'he participo co ad incunters o da fatta organiso quels, usche ais que il Iö ed il cuntuorn adatto inua cha mias ouvras as spordscharon bain.

Nik Streiff,
Lügl 2005

Naschieu ils 3 favrer 1935 a Zürich/Turitsch.
1956-62 studi d'architectura al ETH.
1963-90 activ scu architect in Svizzera ed al ester.
1992 prümas exposiziuns scu pittur-artist.
2001 granda exposiziun singula a Singapore.
2004 sogiuorn da stüdi da pittüra nel Tessin, e traunter aint divers viedis intuorn il muond




Arabisch

Chinesisch

Englisch

Französisch

Deutsch

Italieniesch

Japanisch

Russisch

Spanisch